عيد العمال/ اول ايار 

طَلَّيْت يـا أيَّـار بَعْـد  الإنتِظـارتْوَشْوِش نسيم وْتِرجع تفلفش خَضَار

وكل العراوي الْ بعدهن ما تْبَكَّلـوبإيدك يا شهر الورد جبتلهـن  زرار

ونيسان لمـا ودَّع  العمـر  الحلـوقلَّك بِنَهدات  الزنابـق  والاقمـار

ما اسعد العمـر وبكـون  بأولـوما اتعس العمر وبآخر يـوم  صـار

****

بس بجمال الوطن وبْشَعبـو الغنـيلا بْيذبلو ولا  بيخلصـو  أزهارنـا

وصْنوبرتنا الْ مجدها مـا  بينحنـيبتضلهـا مثـل العـروس بْدارنـا

معليش يا نيسان لو عمـرك  فنـيمثـل مـا قبلـك فنـي  أذارنـا

أعمار الشهور بْيرجعو بثانـي سنـيونحنـا منيـن بْيرجعـو  أعمارنـا

****

أيار إضحـك للخيـام وللقصـوروْزَهِّـر بوديـان الدِنِـي وجبالهـا

زنود الشجر لاقوك عَ  هز  الخصوروالارض بالعمـال هَنِّـت  حالهـا

ما اجمل العامـل  بساتينـو  يـزورويضيع بيـن كْرومهـا  وشلالهـا

ويقشع ندي بعد الشتِي محَّى السطورعم يكتب الكلمة الْ بعد ما  قالهـا

ويقشع مهدي رايحة تشيل  الصخورونحَّات عينو من الحجر مـا شالهـا

ويقشع فْراشة حول زهرة عم  تْدورمثل رقبـة وحـول منهـا شالهـا

ويقشع حديقة عاشقة ساقي غيـورمثـل زوجـة وعاشقـة  رجالهـا

وجدول ييجي من بعيد يوقع بالنهورمثل الصبية اللـي وقـع سلسالهـا

وفلاح عم بِيْفتـح شْبابيـك نـوربْشجرة طلـع لَ عْبَابْهَـا  تَيْطالهـا

تَتصير لما العاصفـة عليهـا تـزورمثـل مهـرة وراكضـة  بْخَيَّالهـا

وفلاحتو راحت تفتش عَ السـروربْطُهر الطبيعة الْ عُطُرهـا راسمالهـا

من الزعتر الْ ع ثيابها خلا  عطـوربيغـارو عطـور الربيـع قْبالـهـا

وللبيت ترجع اول طْلوع لِ بْـدوروتبقى الطيور  مْكَمَّشـي  بِخْيالهـا

وخْيال فلاحة على سرير  الزهـوربْيشبـه خيـال الام عَ اطفالـهـا

بْهَنِّيك يا عمال يا عايش هالشعـوروارض المحبـة فيـك يـا نيالـهـا

هيدي أرضنا الْ عشقتها  الدهـورأرض الإلـه الْ حبهـا وغنالـهـا

أرض منقوشة بدعسـات  الطيـوروالهـن عليهـا ذكريـات  الالـه

إيَّاك تتركها حـرام  تصيـر  بـورالارض الْ بلا عمال ما فيها حيـاة

الله لا يحرم ارض من عمالها

***
“طليع حمدان“